Komîteya Amadekarîya Newroze ya Çewlîgî da pêhesnayene ke ê do 20ê adare de saete 11:00 de Kuçeyê Nêweşxaneyî de Newroze fîraz bikerê û semedê tewrbîyayîşê veng da.

Eşkerayîya ke verê rêxistina HDPyî ya Çewlîgî de ameye dayene  Parlamenterê HDPyî yê Çewlîgî Aydemîr û îdarekarê partîye tewrê ci bîyî.

Serekê komîte Mustafa Acarî eşkerayîye de nê vatî: ''Adirê Newroze ke Kawayanê Asinkaran ra heta roja vêşeno  adir mijdanê azadîye yo. Newroze xoza û heme ganîyan pîya bi wisarî keno yew. Roşanê Newroze vengê xoverdayîş, tîlîlîyê govendan o. Bêrê ma dormeyê adirî de govenda azadîye bigîrê.''

Şayîya Newroze ya Çewlîgî ke do pê şîarê ''Ma pê adirê Neweroze xover bidê, azad bê'' do bêro kerdene programê ci eşkera bi. Parlamentera HDPyî ya Îstanbulî Huda Kaya û Parlamenterê Çewlîgî  Erdal Aydemîr, hunermendî Pinare  Aydinlar û Azad Bedran do tewrê şayîye bibê.