Fermandara Qerargehê Merkezî ya YJA-Starî Zozane Çewlik bi wesîleya serrgêra Hemleya 15ê Tebaxe ANFyî rê qisey kerd.

Qiseykerdişê Çewlike ra tay noqtayê girîngî wina yê:

''Ma Hemleya 15ê Tebaxe fîraz kenê. Bi Hemleya 15ê Tebaxe xoverdayîşê zîndanan û têkoşînê Rayber Apo resayî asta tewr berze. Hemleya 15ê Tebaxe hem birêka leşkerî hem zî birêka îdeolojîke û sîyasîye bîye ke tarîx vurna û bingeyê xopawitişê kurdan eşt. 

Hemleya 15ê Tebaxe ra dima kurdî eşkayê estbîyayîşê xo bipawê. Hemleya 15ê Tebaxe ra verî zî çend serewedaritişê kurdan est bîyê la ser nêkewtî. Rayberîye û PKKyî Hemleya 15ê Tebaxe ser viste. Seba cinîyan ê kurdan zî hemle verê vurîyayîşan akerd. Hemleya 15ê Tebaxe ra verî cinîyê kurdî wayîrê nasnameyêkî nêbîyî la dima Rayber Apoyî seba cinîyan şensêko pîl viraşt. Cinîyan artêşa xo naye ro, bîyî gerîla.

Partîya ma ronayîşê xo ra nata girîngîye dayêne şorişê cinîyan, îradeyê cinîyan. Rayber Apo cinîyî tim dekerdî têkoşînî. Cinîyan ê kurdan zî hemle de cayê xo girewt. Seba têkoşînê azadîya cinîyan Hemleya 15ê Tebaxe bîye bingeyêko xurt. Hemle ra pey cinîyî hînî bîyî wayîrê îradeyî. Ewro cinîyî bii tecrubeyanê na hemle xo ver danê û gerîlayî koyan de bi serkewtişê na hemle têgêrenê. Xora serkewtişê Hemleya 15ê Tebaxe şexsê embaze Egîdî de Dih de amebî îsbatkerdene. Hemleya 15ê Tebaxe cinîyê kurdî yê qehremanî û çêrî afernayî.

39 serrî yo gerîlayî xeta Hemleya 15ê Tebaxe de vera artêşa pîle ya NATOyî xo ver danê. Çunke PKK artêşa cinîyan ra hêz gêno. Cayê dinya yê bînî de yew nimûneya artêşa cinîyan a bîne çin a. Gerîlayê Kurdîstanî têkilîyanê cinî û camêrdan de benê nimûneyê komelî. Ewro pêro parçeyanê Kurdîstanî de têkoşîn est o û cinîyî bi nimûneya gerîlayan nê têkoşînî de cagênê. Coka ma minetdarê fermandaranê sey Zîlane, Bêrîtane û Leyla Amedan ê. Seba cinîyan ê kurdan xeta Rayber Apoyî temînatê azadîye yo. 

Cinîyî her wextî ra zafêr xo rê xeta serkewtişî kenê esas. Hemleya 15ê Tebaxe vera Peymana Lozanî vervejîyayîş o. Coka vera gerîlayan hende hêrişî est ê. Dewleta tirke wazena ke qirkerdişê kurdan temam bikera. Ganî sere de cinî û ciwanî her kes tehlukeyê serê Rayberîye bivînê. Ma ancax bi ruhê 15ê Tebaxe eşkenê dişmenî bin bivisnê. Teyna xoverdayîş do ma ser bivisno û Rayber Apoyî azad bikero. Ma sey gerîlayanê YJA-Starî çi bikewo milê ma do bikerê û rol û mîsyonanê xo xeta Zîlane, Bêrîtane û Egîdan de bîyarê ca.''