Qezaya Gêxî ya Çewlîgî de serra 2012î de pê 370 mîlyon TLyî projeyê rayîrî dîya Ozaltin Înşaat la rayîrî semedo ke warê hezazî de bîyî 8 serran de rijîyayî. Seba weçînayîşê guzergehê neweyî 30ê adare de îhale ame kerdene. Îhale bi bedelê 754 mîlyonû 283 bîn TLyî ancî dîya Ozaltin Înşaat.

Îhaleyê awbendê Gêxî û HESî zî dîyabi Ozaltin Înşaat. Viraştişê awbendî 20 serran dewam kerdbi 2018 de qedîyabi la serrêke ra dima palyayê awbendî rijîyabî. 

Rojnameger Galîp Akengîno ke babete teqîb keno selahîyetdaran ra persa ke rixmo ke malîyetê projeyî 2,4 mîlyar TL bi çira garantîya ci çinbî û zerarê îhaleyê rayîran hetê kamî ra do bêro dayene.

Nurî Ozaltino ke muteahîtîya Awbendê Gêxî kerdbi vistewreyê Serekê verênî yê ANAPî Alî Talîp Ozdemîrî bi û mabênê ci û Mesut Yilmazî weş bi. Têkilîya Yilmaz û Ozaltinî Komîsyonê Cigêrayîşê Estbîyayîşê Malan ê Meclîsî de zî amebî rojdem.