Partîya Azadî û Demokrasîyî ya Êzidîyan (PADÊ) ra Şivan Mûrad, Elî Brahîm û endamê Meclîsê Şarî yê Sinûnî Seydo Elîyî  derheqê hêrişanê dewleta tirke de ajansê ma reyde qisey kerd.

Şivan Mûradî hêrişê dewleta tirke yê vera Şingal û Başûrê Kurdîstanî şermezar kerdî û vat: ''Şingalijî pabesteyê erdê xo yê. Heta ke ma tîya de bimanê dewleta tirke do hêrişê ma bikera.Tirkîya nêeşkena bi sereyê xo hêrişê Kurdîstanî bikera. Coka peyê ci de hêzê mîyanneteweyî estê.  Hêrişê qirkerî yê dewleta tirke nênê qebulkerdene. Vera nê hêrişan ma bi rûmetî do xo ver bidê.''

Endamê Meclîsê Şarî yê Sinûnî Seydo Elîyî zî vat: ''Ma destê Tirkîya ra 72 fernanî dîyî. Eke Hukmatê Iraqî û ê Başûrê Kurdîstanî mîyanê planî de nêbîyêne dewleta tirke nêeşkîyayêne hêrişê ma bikera. Tarîxê ma pirrê tradîsyonê xoverdayîşî yo. Ma do heta peynî vera hêrişan têbigêrê û erdê xo canêverdê.

Endamê PADÊ Elî Îbrahîmî zî hêrişî şermezar kerdî û wina dewam kerd: ''Dewleta tirke û cergê ci pê nê hêrişan wazenê ma bitersnê. Yanî vanê Şingal aramî nîyo tîya bitereknê. Şarê ma sey verî nîyo. Ma dormeyê YBŞ û YJŞyî de xo ver danê. Erdogan û hemkarê ci do nêeşkê ma çin bikerê. Ganî şarê ma vera nê hêrişanê dewleta tirke û hemkaranê ci yê xayînan pê hêzê xo wurzo payan ser.''