Îdareyê Xoserî yê Şingalî derheqê hêrişê dewleta tirke yê vera Şingalî de eşkerayîya nuştekîye daye û nê pare kerdî:

''Dişmenê ma wazeno ke tim na menge êzidîyan rê bibo menga dejî û sîya giredayîşî. Ma heme çend rojî verî şehîdê xo yê qirkerdişanê Til Izêr, Sîba Şêx Xidir ve Gi Zerik yê 14ê tebaxe yad kerdî. 15ê tebaxa 2014 de verê çimanê dinya de Qirkerdişê Koçoyî ame kerdene. 2018 de serrgêra nê qirkerdişî de Mam Zekî Şingalî û hemrayê ci Mahîr hetê dewleta tirke ya terorîste ra ameyî şehîdkerdene. Dewleta tirke 16ê tebaxa 2021î de hêrişê Şingalî kerd û Fermandar Seîd Hesen û şerwanê YBŞyî Îsa Xwedêda şehîd kerdî.

Nê wird serkêşanê ma rojanê zoran de Şingal pawit. Dewleta tirke her hetê dinya ra çeteyî arê dayî verdayî Kobanê û Şingal. O wext embazê ma fermandar û serkêşê ma embaz Seîd û keyeyê ci semedê pawitişê şarê xo çeke girewt. Keyeyê ci ra yew zî embaz Îsa bi. Gama ke xayînan peyê xo kerd Şingalî û Şingal teslîmê DAÎŞî kerd, embazî Seîdî vat ma erdê xo canêverdenê, ma do xo bi xo bipawê.

Serranê 80yan ra nata reya verên a ke serekwezîr ya zî serokkomarê Iraqî Şingalî zîyaret keno. Ameyêne pawitene ke Serekwezîr Kazimî Şingal de dezgehê ke îradeyê êzidîyan temsil kenê înan zîyaret bikero. Wexto winayên de hêriş ame kerdene. No zî hedefê îşxalkeran û dişmenî fîneno çiman ver.

Wa her kes bizano ke ma do rêçê  embaz Seîd û Mam Zekîyan de têkoşînê xo pîlêr bikerê û  qesasê embazanê xo bîgirê.''