Wendekara Zanîngehê Munzurî 5ê çeleyî ra nata Dêrsim de vînbîyaye ya. Tehqîqatê Gulîstane Doku de îfadeyê verguman Zaynal abarakovî do reyna bêro girewtene. Avûkatê keyeyê Gulîstane Alî Çîmenî da zanayene ke Abarakov do pê zorê polîsan bêro ardene û îfadeyê ci do bêro girewtene.

Çîmenî vat: ''Rixmo ke waştişê ma yê tepişîyayîşê Abarakovî ame redkerdene zî, waştişê ma yê îfade ame qebulkerdene. Îfadeyî ra dima bire do bêra girewtene ke Abarakov do bêro tepiştene yan ney. Ez pê hevîdar a ke seba na dosya birêka ke do wijdanê komelî aram bikera, do bêra dayene.''