Înîsîyatîfê Kurdîstanî Bipawê hêrişê bi SÎHA yê dewleta tirke yê vera dewa Gelale ya Başûrî pê eşkerayîyêke şermezar kerd û venga pêro kesan da ke paştî bidê kurdan. Înîsîyatîfî pare kerd ke heyetê înan Kanî Masî de keyeyêkî reyde pêvînayîş kerd. Înîsîyatîfî bêvengîya Hukmatê Herêma Kurdîstanî şermezar kerde.

Înîsîyatîfê Kurdîstanî Bipawê vat: ''Ma venga pêro kesan danê ke wa hêrişanê îşxalî yê Tirkîya şermezar bikerê û wa hukmatî zî çekan nêroşê înan. Vera îşxalê tirkan wa kurdî bibê yew. Tirkîya seba ke Osmanîyan newe ra awan bikera her çi kena. Ma hetê şima de yê. Biciwîyo Kurdîstan.''