Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke eşkerayîye daye û nê pare kerdî:

''Çarçewa Hemleya Şorişgêre ya Bazanê Zagrosî de 29ê temmuze de Girê Silêmanî yê Avaşînî de îşxalkerî hetê hêzanê ma ra pê çekanê giranan ameyî pirodayene. Çalakîye de hedefî biîsabet ameyî pirodayene.

Dewleta tirke ya îşxalkera ke hêzanê ma ra derbeyê pîlî werdî bombardumanê xo yê vera Herêmanê Pawitişê Medya zêdînayî ke netîce bigîra.  La seba ke hêzanê ma tedbîrê xo girewtî, hêrişê înan sey tim reyna pûç ameyî vetene.  Şarê ma yê Başûrê Kurdîstanî nê hêrişan ra ziraro pîl vîneno. Bax û bexçeyê înan ameyî talankerdene. Medyaya şerî ya taybete bi xebaranê zûran şarî xapînena. Nê hêrişan de vînîbyayeyê ma çîn ê.

Detayê hêrişanê ke 29ê temmuze de ameyî kerdene wina yê: Tunelê şerî yê warê Girê Sorî yê herêma Avaşînî pê madeyanê şerî ameyî bombardumankerdene. Xeta Qaşûra ya Metîna de têgêrayîşê helîkopteran qewimîya. Warê Saca yê Zapî, warê  Deşta Kafya yê herêma Garê, dewê Amedîye û warê Girê Zergelê, Dola Dergelê, Girê Savaşî, Dola Şehîdan, Girê Hîwa,Gelîyê Balayan, Girê Balayan, Dola Bedranan û Bêpalanî û dewê Sûredê, Gilgamêş, Dêreşê û Berdeqaşoyî yê herêma Qendîlî pê teyarayanê şerî ameyî bombardumankerdene.

Netîceya nê hêrişan de bax û bexçeyanê şarî de xesaro madî ame meydan û şewato ke erazî de vejîya dewam keno.''