Îşxalkerî bêmabên hêrişê mewzîyanê xoverdayîşî kenê

Îşxalkerî bêmabên pê teyarayanê şerî, helîkopteranê hêrişî, obus, tanq û çekanê giranan hêrişê mewzîyanê xoverdayîşî kenê.

Merkezê Îrtîbatî û Çepemenîye yê HPGyî derheqê hêrişanê dewleta tirke de eşkerayîye daye û nê vatî:

''24ê adare de îşxalkeran di rey hêrişê mewzîyanê xoverdayîşî yê Sîda kerd, hêzanê ma semedê xopawitişî cewab da.

Eynî roje warê Golka yê Metîna, Warê Xoverdayîşî yê Girê Bahar, Girê Amedîyê û Girê Cûdîyî û dewa Sêgirê ya Amedîyê bi teyarayanê şerî 12 rey dîyayî bombayan ver.

Reyna Warê Xoverdayîşî yê Girê Cûdî, Girê FM, Kurojahroyî û mewzîyê herêma Saca û Çemçoyî 14 rey bi helîkopteranê hêrişî dîyayî bombayan ver.

24 û 25ê adare de  mewzîyê xovrdayîşî yê Çemço û Sîda bi obus, tanq, û çekanê giranan 16 rey dîyayî bombayan ver.''