Endama Komîteya Têkilîyanê Teberî ya KCKyî Ronî Serdem serebûtê Tirkîya, Kurdîstan û Rojhelatê Mîyanênî ANFyî rê ercnayî.

Ronî Serdem destpêkê qiseykerdişê xo de şarê Lulnanî rê serweşîye waşte û seba birîndaran zî şîfa waşte.

Qiseykerdişê Ronî Serdem ra beşêk wina yo: ''Dewleta tirke ya îşxalkere qet xeyalanê xo yê îşxalê Başûr û Rojawanî ra fek vera nêda. Çunke xo sey wayîrê mîrasê Osmanijan vînena. Erdogan û Bahçelîyî nê xeyalê xo yê nîjadperest, oldperest û cînsîperestî bingeyê Osmanijan de vurnayî polîtîkayê îşxalî. Înan 'Wisarê Ereban' xo rê sey firsendêk dî û sere de Lîbya waşt ke Rojhelatê Mîyanênî zî îşxal bikerê. Dewletê mîyanneteweyî zî paştî danê Tirkîya. 

La Tirkîya Lîbya û Dengizê Sipî de neçare mende ke apey tay gamî bierzê. Bi taybetî Başûrê Kurdîstanî de rastê xoverdayîşêkê tarîxî ameye. Gerîlayan şerî reyde vera îşxalî tewirê xo mojna dewleta tirke. Dewlet, roşnvîr û şarê erebî polîtîka û xeyalê Osmanijan ê Tirkîya vînenê û nînan qebul nêkenê. Ê xo ra Osmanijan ra xelisîyayî û azad bîyî. Erebî zanenê ke dewleta tirke Osmanijan ra wetêr a. 

Seba ke erebî zanenê nê hêrişî vera pêro şar û cografyaya ereban ê her roje bi hawayêkê zelalêrî tewirê xo mojnenê. Erebî bi hawayêkê pozîtîfî nêzdîyê têkoşînê kurdan benê. No zî berê îtîfaqê tarîxî yê kurdan û tirkan akeno. Têna îtîfaqê kurd û erebî eşkeno verê îşxalê dewleta tirke bigêro.

Seba her kesî PKK peynîya îşxalê dewleta tirke ya, çareserîya meseleyanê herême ya. Vera hêrişanê dewleta tirke yê serê Heftanînî tewirê Başûrê Kurdîstanî zaf girîng o. Dewleta tirke armanc kena ke Başûr îşxal bikera. PKK naye zaneno û coka werişt payan ser. TC dişmenê pêro kurdan o. TC seba ke asayîş û ameyoxê kurdan çin bikero hêrişê PKKyî keno. 

Ganî parlamenterê Başûrî tewirêkê zelalî bimojnê îşxalê dewleta tirke û venga pêrp kurdan bikero ke vera îşxalî wa wurzê payan ser. La vernîyazê Parlamentoya Başûrî yê vera hêrişanê dewleta tirke de çîyo winasin çinbi. Ma hema zî nê çîyan Başûrî ra pawenê.''

Ronî Serden peynîya qiseykerdişê xo de derheqê îdîa de vajîyeno ke  heyetêk şîyo Qendîl, wina qisey kerd: ''Hêrişanê peyênan ê dewleta tirke de sivîl, doman û cinîyî ameyî qetilkerdene. Sivîlanê ke Kunamasî û Şêladîzê de kişîyayî, bala rojdemê dinya antî. Heyeto ke şîyo Qendîl na mesele ser o sivîlan reyde pêvînayîş kerd û înan ra zanayîşî girewtî. Yeno vatene ke heyet heyetêko mîyanneteweyî yo. Înan qet Têgêrayîşê ma reyde pêvînayîşêk nêkerd. Ma xora verê heyetanê winasênan nêgenê ke sivîlan reyde têkilîye nanê ro.''