Grûba Îtafaqê Kurdîstanî ya ke Kongreya Komelê Demokratîkî (KCD), Partîya Herêman ê Demokratîkan (DBP), Partîya Demokratîke ya Şaran (HDP) Partîya Azadî, Komeleya Kurdan ê Demokratan ê Şorişgêran (DDKD), Partîya Merdiman û Azadîye (PÎA), Partîya Komunîstanê Kurdîstanî (KKP), Platformê Demokratan ê Kurdîstanî (PDK) Partîya Demokrate ya Kurdîstanî-Tirkîya (PDK-T) tede ca genê derheqê hêrişê vera HDPyî eşkerayîye daye.

Eşkerayîye de nê ameyî parekerdene: ''Netîceya sîyasetê dişmenîyî yê îqtîdarî yê vera kurdan de Denîze Poyraz ameye qetilkerdene. Hêrişê vera HDPyî xora eşekera semedê çokdayîşê şarê kurdî yo. Ma mesajo peyên ê îqtdarî ke Îzmîr da girewt û ma sey cewabî vanê: Ma do vera şima çirey çok nêdê. Ma do bêmabên têkoşînê heq, edalet û azadîye dibomnê. Ma do polîtîkayanê şima yê înkar, asîmîlasyon û tecrîtî rê çirey bîat mekerê. Naye hole bizanê; Ma do vera tersê ke şima afenayo cesaretî, vera çokdayîşî hêvî,vera hepskeridşî azadîye, vera zulmî de edaletî înşa bikerê. Ma do çirey verê şima de milê xo çewt mekerê.

Rixmo ke qewimîyayîşî 24 saetî xo dima verdayî  Serekkomar û Wezîrê Zereyî ke asayîşê her kesî ra mesuldaro, hema çîyêk nêvato. Xora komel zanê bêvengîya înan yena çi mana. No hêriş ameyo plankerdene û waştişê ci yo esasî kombîyayîşo ke îptal bîyo, o yo. Qirkerdişêko komkî ema hedefkerdene. Ma hêirşê vera banê HDPyî yê Îzmîrî şermezar kenê, Denîze Poyraz rê hûmayî rehmet merdimanê ci rê serweşîye wazenê. Ma veng danê hêzanê demokrasîyî û dezgehanê komelê sîvîlî ke wa vera nê hêrişî hêzê xo bikerê yew.''