Çeteyê dewleta tirke ya îşxalkere badê pêkewtişanê ke 26ê kanûne ra nata hukmatê Şamî reyde yenê rayaberdene kewtî merkezê Helebî. Dewleta tirke ya îşxalkera ke bêmabên hêrişê Rojawanî kena demê peyênî de hêrişê xo yêv era Kantonê Şehba xorî kerdî.

Berpirsîyarê Merkezê Çapemîye û Îrtîbatî yê Hêzanê Sûrîyeya Demokratîke (QSD) Ferhad Şamî derheqê babete de eşkerayîye daye, tewirê QSDyî fîna werte û şar hîşyar kerd.

Ferhad Şamî bale ante nê xusûsan ser: ''Hêrişê vera Rojawanî xeylê wext o yenê hazirkerdene û xebera her kesî pê est a. Planê nê hêrişan hetê dewleta tirke ra yena kerdene û Tirkîya bi wazena planê xo bi destê  El Nusra planê xo bîyaro ca.  

Hêriş game bi game sey leteyê konseptî hetê Tirkîya ra yena rayraberdene. Seba ke no operasyon hole bêro famkerdene ganî rolê Tirkîya bêro famkerdene.

Tirkîya nêwazena Sûrîye de hûzûr bibo û wazena ke pede pede Sûrîye îşxal bikera. Coka nameyê çeteyan bibedilîyo zî hêrişan Tirkîya bi xo koordîne kena.

Bêşik avêrberdişê herême ma eleqedar kenê û ma nizdî ra teqîp kenê. Kam çi hesab bikero zî wezîfeyê ma yo esasî pawitişê şarê ma yo. Nê semedî ra ma do semedê pawitişê herême û şarê xo têbigêrê. Wa şarê ma zî hîsgêr o goreyê rewşe xo rêxistin bikero.''