Gerîlayê HPGyî Çekdar Rojhelatî xoverdayîşê gerîlayan ê vera îşxalî û girîngîya yewîya şar û gerîlayan ercnayî.

Rojhatî vat: ''Ewro hêzêk nêeşkeno vera hêrişanê dewleta tirke xo ver bido. La gerîlayî vera teknîkê înan xo ver danê û çalakîyanê xo kenê. Bi mîlyonan merdimê Başûrî paştî danê gerîlayan. Gerîlayî zî seba ke wayîrê destkewteyanê Kurdîstanî vejîyê heqê her çîyan ra yenê. Dewleta tirke her roje Heftanînî ser o bombayan varnena. Heftanîn de gerîlayî xoverdayîşêkê destanwarîyî kenê. 

Dewleta tirke sere de vera Rayberê Şarê Kurdî vera kurdan şerêkê taybetî kena. La ma sey gerîlayan do nê şerî pûç bikerê. Ganî şarê ma goş nêdo vatişanê zûran ê înan. Ça de benê wa bibê ma her tim do şarê xo reyde bibê.

Şarê ma yê Başûrî vîneno ke ma senî xo ver danê. Coka ganî înan bi hawayêkê xurtêrî paştî bidê ma. Xora şarê Başûrî welatperwer o û pê xoverdayîşê xo şinasîyeno. Ma zî sey gerîlayan şarî reyde yewbîyayîşê xo hêzêr bikerê. Eke şar û gerîlayî yew bibê qet yew hêz nêeşkeno welatê ma îşxal bikero. Heta ke gerîlayî estbê îşxalê erdê ma seba dişmenî têna bibo xeyalêk.''