Şingalijan derheqê hêrişanê îşxalî yê dewleta tirke û hemkarîya PDKyî ya bi Tirkîya de ANFyî rê qisey kerd.

Endama Têgêrayîşê Azadîya Cinîyan ê Êzidîyan (TAJÊ) Zayîde Xelef vat: ''Dewleta tirke hêrişê gerîlayan kena la gerîlayî hêzê pîlî yê. PDK zî bi hawayêkê nimiteyî paştî dano Tirkîya. La ê nê şarê kurdî do ser bikewo. Dewleta tirke hêrişê ma û Mexmûrî kena la ma hê benê xurtêr. Ma amade yê hetê gerîlayan de şer bikerê. Gerîlayan ma destê DAÎŞî ra xelisnayî. Ma pê gerîlayan qayîl ê, ê çi biwazê ma kenê. Gerîlayî qetî do ser bikewê û fikrê Rayber apoyî do çin nêbê.''

Endamê Meclîsê Şarî yê Sinûnî Dawûd Silêman Îdoyî vat: ''Armancê dewleta tirke PKK nê pêro kurdan o. Şingal de gerîlayî çin ê la dewleta tirke reyna zî pê bahaneya PKKyî hêrişê Şingalî kena. Eke kurdê êzidîyî bingeyê felsefeya Rayber Apoyî xo perwerde û rêxistin bikerê planê îşxalî do birijîyê. Ma heta peynî hetê gerîlayan de yê. Ez venga şarê Şingalî dana ke paştî bido xoverdayîşê gerîlayan.''

Endama TAJÊ Mehrane Silêman vat: ''Ez hêrişanê dewleta tirke şermezar kena. Ma sey cinîyan ê êzidîyan îşxalî qebul nêkenê. Destê ma ra çi bêro ma do vera îşxalî bikerê.''