3ê adara 2017î de pêşmergeyanê PDKyî hêrişê Xanesorê kerdbi û 10 şingalijî şehîd kerdbi. Serrgêra 4. ya hêrişê vera Xanesorê de şarê Şingalî rayraşîyayîşêk kerd û mesaj da ke ê do qet bêbextîye xo vîr a nêkerê.

Girse merkezê Xanesorê de kom bi, pê pankart, fotografanê şehîdan û sloganê 'bimiro îxanet' rayîrî ra şî.

Rayraşîyayîşêkî ra dima nawnayîşêk ame kerdene. Nameyê Keyeyanê Şehîdan ser o Mamoste Merwan ÊZidîyî eşkerayîye daye.

Eşkerayîye de ame vatene ke êzidîyan sayê felsefeya Rayberê Şarê Kurdî de xo rêxistin kerd, hêzê xo ronayî û pêşmergeyî wazenê pê hetkarîya Tirkîya reyna êzidîyan qir bikerê.

Temsîlkara TAJÊ Pakîze Xelal zî nawnayîş de qisey kerd û ard ziwan ke ê do bêbextîya PDKyî xo vîr a nêkerê.

Qiseykerdişan ra dima cayê hêrişî de seba şehîdan 10 leyî ronîyayî.