Şarê Berwarî ke vera hêrişê îşxalî yê dewleta tirke nêrazîbîyayîş ramojna mesajê yewîye û xoverdayîşî dayî.

Cinî û mêrde ke rîyê hêrişanê vera Başûrê Kurdîstanî dewa xo ra vejîyayî vera hêrişê îşxalî wina hersê xo ard ziwan: ''Ganî hukmatê Başûrî na mesela çareser bikero. Metîna, Kelaya Qumrî, Dişîşê, Sararo û xeylêk dewê bînî hema yenê bombardumankerdene. Dewijî nêeşkenê şirê hegayanê xo. Eke na mesela nêra çareserkerdene nê dewî do bibê veng û dewijî pey ra meeşkê agêrê dewanê xo

Çi heqê dewleta tirke esto ke bikewo herra ma? No zilm o. Heme darê ma ameyî birnayene û yenê rotene. Dewleta tirke heme kurdan sey terorist vînena.  Çîyo winayên nêno qebulkerdene. Ma bimerê zî ma erdê xo canêverdene. Rîyê hêrişanê dewleta tirke ra bi hezaran kesî mexdûr ê. Şarê herêma Berwarî debarê xo pê zîretî debarê xo keno. La rîyê bombardumanê dewleta tirke ra şar nêeşkeno şiro hegayanê xo. Çend rojî verê cu Amedîyê de panc pêşmergeyan cuya xo vînî kerde. Dewleta tirke nayî ra PKKyî sey berpirsîyarî tepişena la na raşt nêya. Çunke serek zî şerê waybirayî nêwazeno.  Ma do qet pê kayanê tirkan mexapîyê.''

Reyna Cinî û mêrde yê bînî ke nêwaşti nameyê xo bidê vat: ''Dewleta tirke pê teyarayanê şerî keyeyan û dewanê ma bombarduman kena la warê mîyanneteweyî de vera nayî nêrazîbîyayîşo xurt çîn o. Ganî ma verê her çî vera nê îşxalî pê yewîye cewab bidê. Seba ke sîvîlî yenê hedefgirewtene şar tengayî anceno. Rojane serê dewa ma ra teyarayê şerî fir danê. Çi heqê dewleta tirke herra ma de esto? Erdogan zî do sey Sedamî şiro û herra Kurdîstanî do îşxalkeran rê memano.''

Dayîkêka bewarîyije zî vat: ''Dewleta tirke wazenê kurdan yewbînan ra bikero cîya. Teyarayê şerî tim herra ma bombarduman kenê. Dewa ma bi temamî vêşaye. Dewa Berwarîyan û koyê ma vêşayî. Rîyê nê hêrişan ra bi seyan keyeyan zirar dî. PKK û şarê kurdî yew ê. No hêriş vera ma pêrune yeno kerdene. Ma pêro kurdê û nê şerî nêazanê. Ma do rixmê heme hêrişan herra xo cameverdê.''