Şarê Cizîrî yo ke dewleta Tirkî teror vera ci kerdo û bi seyan merdim gandar veşnayê, rixmê heme hêrişanê dewlete bi hezaran wareyê Newroze de ameyî têhet.

Wareyê Newroze yê taxa Konakî de pankartê “ Ma do qetî ser bikewê”, “Wa Leyla biciwîyo tecrîd bêro wedaritene” ameyî akerdene.Der û dorê wareyî hetê desan wesayîtanê zirxîyan ê polîs û eskeranê Tirkan ra ame  girewtene. Bajaro ke bi hawayêko fîîlî OHAL yeno bikarardene de, rixmê heme zext û zordarîyan zî şarî verê xo da wareyê Newroze.  Dekewtişê wareyê Newroze de semedê zext û astengîya hêzanê çekdaran ê Tikrî xeylî reyan munaqeşeyî vejîyayî. Ame vatene ke tewr kêmî 2 kesî ameyê destbendkerdene. Cinîyan bi tilîlîyan awlukaya dewlete şikite, domanî zî bi kincanê xo yê herêmkî  bîyî sebê dîmenanê renginan.