Hemwelatîyanê Mexmûrî verê bînaya Neteweyan ê Yewbîyayeyan a Mexmûrî de rayraşîyayîşêkê girseyî kerd. Rayraşîyayîşî de posterê Rayberê Şarê Kurdî Abdullah Ocalanî, alayê PKK, PAJK û KCKyî ameyî berzkerdene. Çalakîkeran pankarta bi nuşteyê 'Bê serek cuye nêbena' û dowîzê 'Bimiro îxanet, Biciwîyo xoverdayîşê Mexmûrî, PKK şar o, Qesas' akerdî û sloganî vatî.

Verê bînaya NYyî de hetê Hemsereka Meclîsê Şarî yê Demokratîkî yê Mexmûrî Çîçeke Cengîz ra ameye wendene.

Eşkerayîye de wina ame vatene: ''Nê hêrişî ne verên ne zî peyên ê. Her ke têkoşînê ma aver şino dewleta tirke zêdêr hêrişê ma kena. Dewleta tirke pê nê hêrişan armanc kena ke destkewteyanê kurdan û îradeyê kurdan çin bikera. Nê hêrişî ma qels nêkenê eqsê ci ma bihêz û xurtêr kenê. Ma do têkoşînê xo yê rûmetênî ra fek vera nêdê. Ma do çok nêşorê erdî ro, ma do sereyê xo nêarê war û teslîmîyet qebul nêkerê.

Ma venga Hukmatê IRaqî, Hukmatê Kurdîstanî û Neteweyanê Yewbîyayeyan danê ke mesuldarîya xo bîyarê ca û verê hêrişanê dewleta tirke ya nîjadpereste bigêrê.''

Çalakîye pê slogananê 'Biciwîyo Serek Apo', 'Biciwîyo Xoverdayîşê Mexmûr û Şaranê Azadîwaştoxan' û 'Bimiro Îxanet' qedîyaye.