Sere de cinî, ciwan, domanî pêro hemwelatîyê Kampa Multecîyan a Şehîd Rûstem Cûdîyî (Mexmûr)Dezgehê Keyeyanê Şehîdan de kom bîyî û seba protestokerdişê dewleta tirke ver bi bînaya Neteweyanê Yewbîyayeyan rayîrî ra şîyî. 

Rayraşîyayîş de fotografê şehîdanê Şêladizê, posterê Rayberê Şarê Kurdî Abdullah Ocalanî, alayê PKK, KCK, YJA Star û HPGyî ameyî berzkerdene û bêmabên sloganê ''Biciwîyo Serek Apo'', ''Bimiro îxanet'', ''Biciwîyo HPG, YJA-Star'' û ''Şehîdî nêmirenî'' ameyî vatene.

Verê bînaya NYyî de Endama Koordînasyonê Meclîsê Îştare Xurbete Îşlek eşkerayîye daye. Xurbete bale ante ser ke dewleta tirke çinkerdişê kurdan hedef kena û vist vîrî ke armanco esas ê dewleta tirke îşxalê pêro Kurdîstanî yo. Xurbete vat: ''Ma venga pêro kurdan û hêzanê sîyasîyan ê kurdan danê ke bingeyê menfaatanê kurdan ser o vera îşxalan têkoşîn bikerê. Ma hêrişê PDK û YNKyî yê vera nawnayîşanê Şêladizê û Silêmanî şermezar kenê. Ganî Başûrê Kurdîstanî wayîrê nê serewedaritişî bivejîyo.''

Eşkerayîye pê sloganan qedîyaye.