HDPyî weçînayîşê herêmî yê 2019î de qezaya Artemêtanî ya Wanî vistbi destî la bi bahaneya ke hemşaredarê HDPyî pê qerarnameyî wezîfe ra amebi dûrvistene, mazbataya ci nêdîyaye û herinda ci de namzeyê AKPyî Îsmaîl Say ame wezîfedarkerdene. Îsmaîl Say talananê xo yê vera xozaya Wanî dewam keno. Sipîdarê kuçeyê Îskele verê cû zî hetê qeyûman ra ameybî birnayene. Nika zî sipîdarî hetê Îsmaîl Sayî ra yenê birnayene.

Komeleya Ekolojî ya Mezopotamya (MED) hetê rejîmê AKPyî ra amebî girewtene. Hemserekê verênî yê MEDî Fatîh Şahînî pare kerd ke ê vera na hîşmendî yê ke vera xoza şer kena û wazena xoza talan bikera. Şahînî îfade kerd ke ê qerqilîyenê ke talanê daresipîyanê Artemêtan pêro şaristan de bêro caardene. Şahînî vat: ''Senî nêeşkenê ke herinda çareserîya mesele de daran birnenê? Nê darî seserre yê. Dar yenê talankerdene. ma venga komelî danê ke na babete de hîsger bibo.''