Weçînayîşanê herêmîyan ê adara 2019î de HDPyî şaredarîya qezaya Silopîya ya Şirnexî zî tede bi temamî 65 vistbî destî. La 60ê înan rê qeyûmî ameyî tayînkerdene. Şaredarîya Silopîya zî tede teyna 5 şaredarîyî destê HDPyî de mendî.

Hemşaredarê Silopîya Suleyman Şavlukî ANFyî rê qisey kerd û ard ziwan ke înan mîyanê 5 serran de proje û xebatê pîlî kerdê.

Şavlukî vist vîrî ke wexto ke înan şaredarîye girewtbî deynê ci zaf bîyo û vat: ''Qeyûmî qasê 275 deynî kerdbi milê şaredarîye. Ynî budçeya ma kêm bîye. La rixmê ney zî ma destekê şarî û seba şarî meseleyî çareser kerdî. Mîyanê nê panc serran de ma 70 mîlyon deynê şaredarîye da. Ma hûmar û meaşê personelanê xo zêdînayî.''

Şavlukî xebatê Şaredarîya Silopîya yê 5 serran wina rêz kerdî:

*Vayê wesayîtan seba cinî û wendekaran 25 quriş û seba camêrdan 50 quriş ê.

* Wextê Korona de ma hetkarîya 11 hezar û 380 keyeyan kerd.

*Meaşê xebatkaranê şaredarîye se ra 130 ame zêdekerdene.

*Kursîyê astengdarîye ameyî dayene astengdaran

*Kayê tîyatroyî, konserî ameyî kerdene.

* Warê zîretî yê vengî ameyî ramitene û ameyeyê ci keyeyanê xizanan rê ame vilakerdene.

* Bi Marketa Hêvî ya şaredarîye keyeyanê xizanan rê ardim ame kerdene.

* Merkezê Paştdayîşê Cinîyan ê Dayîke Taybete de destekê psîkolojîk û huqûqî cinîyan rê ameyî kerdene.

* Cinîyî tim Hemşaredare Adalete Fîdan reyde ameyî yewca. Seba cinîyan kargehê perwerdeyî ameyî akerdene. Bazarê Kede yê Cinîyan de seba cinîyan warî virazîyayî.

*Xeylêk taxan de meseleyê binawanîye ameyî çareserkerdene.

* Binê sîwana şaredarîye de kursê kurdkî yo bêpere ame dayene.