Şayîyê seba Hamleya 15ê Tebaxe ewro zî xeylêk welatan de dewam kenê.

Yerşov

Kurdîstanîjan şaristanê Yerşovî yê Rûsya de seba Hamleya 15ê Tebaxe şayîyêke serûber kerde. Şayîye bi deqayêkê rêzgirewtişî dest pêkerde. Kurdîstanijan şayîye de fikrê xo ardî ziwan.

Timonino

Şaristanê Timoninoyî yê Rûsya de şayîya Hamleya 15ê Tebaxe de Serekê Otonomîya Kurdan a Timoninoyî qisey kerd û îfade kerd ke 15ê Tebaxe sena kurdan yeno manaya ganîbîyayîşî.

Helsinki

Paytextê Finlandiya Helsinki de kurdîstanijî ameyî pêser û înan bi şayîyêke Hamleya 15ê Tebaxe fîraz kerde. Şayîye de derheqê girîngîya Hamle de qiseykerdişî ameyî kerdene.

Meschede

Şaristanê Meschedî yê Almanya de rayberîya Keyeyê Kurdan de şayîyêke ameye kerdene. Şayîye de alaya kesk û sûr û serde û alaya CIKî ameyî berzkerdene. Şaredarê şaristanî û dostê kurdan zî tewrê şayîye bîyî.

Munih

Şaristanê Munihî yê Almanya de zî şayîya seba Hamleya 15ê Tebaxe bi deqayêkê rêzgirewtişî dest pêkerde.  Şayîye de xoverdayîşê Heftanînî rê selam ame kerdene û sloganî ameyî vatene.

Duisburg

Şaristanê Duisburgî yê Almanya de Merkezê Komelê Demokratîkî yê Kurdan de Hamleya 15ê Tebaxe ameye fîrazkerdene. Şayîye de fotografê Mahsum Korkmazî (Egîd) û Rayberê Şarê Kurdî Abdullah Ocalanî ameyî dardekerdene. Şayîye de Mam Zekî, Engîn Sincer, Atakan Mahîr, Agît Garzan zî ameyî yadkerdene.