Şehîd Bahoz Rojhat Rojîn çarçewa Hemleya Şorişgêre ya Bazanê Zagrosî de eyaletê Avaşînî de rayberîya çalakîyan kerde. Gerîla Bahoz Riha de serra 2014î de tewrê gerîlayan bi û ey warê Avaşînî de şerê vera artêşa tirke ya faşîste şehîd bi. Bahozî ANFyî rê no ercnayîş kerdbi:

''Ma goreyê plansazîya xo xebitîyenê.Semedo ke qesasê embazanê xo bigêrê, prosesê winasênî rê bibê cewab ma do çalakîyan bikerê. Ma wazenê nê cayan de nêverdê dişmen ca bibo û erdê xo ra ey vejê. Armanco esas ê pêro embazan no yo.''

Gerîla Bahozî bi serkewtişî çalakîye ra vejîya û derbê giranî dayî dişmenî ro. Wextê operasyonî de semedo ke ê mudaxeleyê leşkeran bikerê wazenê derbazê Mamreşoyî bibê. 11ê gulana 2021î de ê kewenê rayîrî û o wina vano:''War de şerêko giran esto. Peynîya nê şorişî de gonîya xeylêk dişmenî do birija. Ma rê rayîro tewr fîraz  no yo. Rayberîya Fermandar Serhedî de xoverdayîşêkî dest pêkerd. Ma sey embazan û şerwananê ey wazenê tewrê ney bibê.''

Gerîla Bahoz Rojhat Rojîn pa 5 embazanê xo wextê çalakîye de bombardumanê artêşa îşxalkere de şehîd bi. Şehîd Bahoz Rojhato ke pê çalakîyanê Avaşînî û pê keda xo şinasîyayêne bi sembolanê xoverdayîşê Hemleya Bazanê Zagrosî ra yew.