Gerîlaya YJA Starî Berfîne Rêbaza (Sara Ehmed) ke 11ê hezîrane de Metîna şerê mabênê Gerîlayanê Azadîye yê Kurdîstanî û dewleta tirke şehîde bîye Silêmanî de bi sloganan ameye definkerdene.

Cenazaya Berfîne Rêbaz Behdînana ra ameye berdene Silêmanî. Dukan de şar şi vera cenaza. Bado ke Camîya Hacî Mihemed Çemî Simorî de wecîbeyê dînî ameyî caardene cenaza ameye berdene Goristanê Qirgey Niwê û bi sloganan ameye definkerdene.

Pîya bi merdimanê Berfîne Rêbaz keyeyê şehîdan, Hemsereka Tevgera Azadî Tara Husên û endamê têgêrayîşî, temsîlkarê Îdareyê Xoserî yê Rojawanî, Kongraya Star, Têgêrayîşê Azadîye Cinîyan ê Kurdsîtanî- RJAKî  û bi desan kesî tewrê merasîmê cenaza bîyî.