Merkezê Îrtîbatî û Çapemenîye yê HPGyî da zanayene ke fermandara YJA Starî  Sara Ahmed (Berfîne Rêbaz) şehîde bîya û nê vatî:

''Ewlada sînayîye ya sereberz a şarê Başûrê Kurdîstanî, mîlîtana serkewtîye ya partîya ma PKKyî û fermandara jîhate ya artêşa ma ya YJA Starî Berfîne Rêbaz  11 hezîrana 2022yî de Herêmanê Pawitişî yê Medya de tewrê kerewanê şehîdan bîye û mîyanê şehîdanê sembolan de cayê xo girewt.

 

Nasnameyê hemraya ma Berfîne wina yo:

Nameyê Qodî: Berfîne Rêbaz Name û Peyname: Sara Ahmed Cayê Bîyayîşî: Silêmanî Maye-Pî: Xeramane – Ahmed Tarîx û Cayê Şehadetî: 11ê Hezîrana 2022yî / Metîna

Hemraya ma Berfîne bajarê Silêmanî yê Başûrê Kurdîsanî de yena dinya û dormeyo welatperwer de bena pîle. Hemraya ma Berfîne çirey qederê xo rê razî nêbena, tim cigêrayîşan kena, persena û netîceya nê xebatanê xo de raştîya PKK û Rayber Apoyî nas kena. Gama ke wanena cigêrayîşanê xo xorîyêr kena. Polîtîkayanê dirîyan ê îqtîdarê Başûrê Kurdîstanî vînena û hêrsê aye çend şino vera înan zafêr beno. Hetê bînî ra çend PKKyî nas kena binê tesîrê ci de manena. 2015 de şehadatê hemrayê ma Rêbazî aye ser o zaf tesîr keno û dima ra verê xo dana koyanê azadan.

Bado ke xo her hetî ra perwerde kena sey gerîlayêka profesyonele 2016-2018 de Zap de gerîlatîye kena û bena wayîrê tecrubeyanê xurtan. Zapî ra dima ravêrana Garê û akademîya leşkerî ya cinîyanê azadan a Akademîya Şehîde Bêrîtane de perwerde vînena.

Hemraya ma Berfîne badê tecrubeyanê xo yê şer û cuya bena fermandarêka sêrkeşe.  Metîna de sey fermandara yewîye wezîfe gena û Hemleya Şorişgêre ya  Cengê Xebûrî  ya ke  2021 dest pêkerde de aktîf ca gena.

Hemraya ma Berfîne  xeylêk çalakîyanê serkewteyanê Kêste û Derarê de ca gena û kena ke pê têkoşînê xo destanê Xoverdayoxanê Zendûra gir bikero. Sey cinîyêka kurde ya  Başûrê Kurdîstanî û mîlîtana Apoyîyî xayînîye vejîyana û cinî û ciwananê Başûrî rê bena nimûne.

Hemraya Berfîne sey wesatîya şerî pê  hunerê xo zî hetê embazanê xo û şarê ma ra yena naskerdene.  Aye zî rêçê Hozane Mizgîne û Delîlayan de mojna ke şorişgêrîye hunero tewr pîl o û gerîlayî humermendê tewr westa yê.

Hemraya ma Berfîne 2022 de wextê tewr krîtîkî yê şerî de bi ruhê fedayîyî vaz dana mewzîya şerî û bêters şina dişmenî ser. Netîceya hêrişê dişmenî de tewrê kerwanê şehîdan bena.

Ma serede keyeyê erjîyayeyî yê hemraya xo Berfînî şarê welatperwerî yê Silêmanî û Kurdîstanî rê serweşîye wazenê. Ma soz danê ke ma do waştişê şehîdan bîyarê ca.''