Gerîlayê HPGyî Ferhat Akdenîzî (Dilgeş Zîlan Gûzereş) şehadetê xo ra verî roportajêk dabi û qala şerê tunelan kerdbî. 

Şehîd Dilgeş Zîlanî vatbi: ''Dişmen hem bi keleş û bombayanê destan hem zî pê çekanê kîmyewîyan hêriş keno. Bi rayîrê aspîratoran gazî verdeno zereyî, bi tonan bombayan erzeno beranê tunelan. La gerîlayî bi xoverdayîşêkê pîlî verê înan de vindenê. Tunelanê şerî de her rayîr û metod şuxilîyeno. Rixmê ney zî embazê ma şer kenê. No îradeyêko pîl o. PKK û kadroyê PKKyî wayîrê îradeyêkê pîlî yê. Tunelan de îradeyê merdiman teknolojî bin viste. 

Seke Mahîr Atakanî vatbi 'Ne Spartakus sey ma ciwîya ne zî Che Guevarayî sey ma şer kerdo.' Şerê gerîlayan neslanê neweyan rê do mîsal bibı. Asta şerê ma nêna ercnayene. Gerîlayanê Kurdîstanî tarîxê şerî de înan rîpelêko newe akerdo. Qet yew hêz nêeşkeno verê ma de vindero.''