Demo peyên de medyaya sosyale de aktîvîstê komelê sîvîlî seba ke hêrişê îşxalî yê dewleta tirke yê vera Başûrê Kurdîstanî bêro protestokerdene veng danê. Reyna hêrişê îşxlakeran ê vera Batûfa zî raştê nêrazîbîyayîşan ame.

Vera hêrişê îşxalî Şeladizê de çalakîyêke ameye oganîzekerdene la selahîyetdaranê PDKyî verê çalakî bajar de qedexeyê tebervejîyayîşî îlan kerd. Dekewtiş û vejîyayîşê bajarî ameyî vindaraneyene.

Dîmenê ke resayî ANFyî zî ramojnenê ke kuçeyî vengê. Dîya zanayene ke saetanê cemê şanî de pêşmergeyî zî kewtî bajar.

Dewleta tirke ya îşxalkere 20ê hezîrane de sîvîlê ke wareyan de gêrayêne hedef girewtî û 4 ciwanî qetil kerdî. Êyê ke ameyî kiştene ra yew zî ciwano ke par çalakîya vera artêşa tirke de şibê serê tankê înan, o bi. Naye ser o Şeladizêyîjî vejîyayî kuçeyan.

Par dewlata tirke dormeyê Zap û Deralokî ser o bombayî varnaybî û 5 sîvîlî mirênaybî. Şarê Şeladîzê vera naye sere wedaritbi  û baregehê artêşa tirke sey wextê kilmî fînabi dest.