Herêma Garê ya Başûrê Kurdîstanî de çekdarê PDKyî zerar danê şarî. Pêro rayîrê ke şar seba ke debarê xo bikerê şuxilnenê, hetê nê çekdaran ra girewte yê.

Êyê ke tewirê xo mojnenê zî yenê remnayene. Heta nika bi desan merdimî ameyî remnayene.

Roniştoxêkê herêma Nehlê vat ke ê nêwazenê mabênê PKK û PDKyî de şer vejîyo û no şer do zerarê tewr pîlî bidê kurdan.

Kesêkê bînî zî vera tedayanê PDKyî nêrazîbîyayîşê xo ard ziwan, vat ke ê keyeyê xo de, erdê xo de yê û cayêko bîn çin o ke ê şorê ci.

Roniştoxê herême îfade kenê ke ê vera şerî yê.