Endamê Koordînasyonê Komalanê Ciwanan Ozgur Şerkerî Radyoya Dengê Welat rê qisey kerd. Qiseykerdişê Şerkerî bi kilmî wina yo:

''Têgêrayîşê Azadîye yê Kurdîstanî 6 serrî yo şerêkê bêmabênî de yo. Dewleta tirke bi taybetî nê serran de çarçewa polîtîkaya şerê taybetî de keyeyanê şehîdan kena hedef. No şer mendiş û nêmendiş o. No şer têna vera leşkeran nîyo. Gerîlayî hê vera polîs, leşkeran û MÎTî zî şer kenê.

Dewleta tirke pê xoverdayîşê gerîlayan nêeşkaye coka şerê taybetî ana ca. Seke Rayber Apoyî vatbi dewleta tirke serî ra heta binî rejîmê şerê taybetî yo. Nika hedefê dewleta tirke de kurdê azadî estê. Dewlete bi taybetî cinî û ciwanan kena hedef. Dewlete seba ke cinî û ciwanî xo rêxistin mekerê înan rê fuhuş, ajanîye ûsn ferz kena. 

Nika şero taybet zêdêr ciwanan ser o yeno caardene. Dewleta tirke wazena keyeyanê şehîdan û keyeyê gerîlayan bîyara yewca û înan vera têgêrayîşê azadîye bişxuxilnê. Keyeyî zî ma zî ney hol zanenê. Şero ke dişmen koyan de vera gerîlayan keno, wazeno vera keyeyan zî bikero.

Gerîlayî nika koyanê Vakur û Başûrî de şerêkê pîlî kenê Îradeyê gerîlayan dişmen bêgame verda. Eke tîya ra ma netîceyêke bigêrê ma eşkenê şerê taybetî yê dişmenî pûç bikerê. Gerîlayî Mam Reşo de xeta Rayberîya xo ronaye. Ewro Zendûra, Werxelê, Cîloyê Biçûkî de ruhê Rayberîye ciwîyeno. Vera polîtîkayanê şerê taybetî ganî xeta Rayberîye bêra esas girewtene. Dişmen pê şerê pêroyî wazeno netîce bigêro şa ma des reyî zêdêr eşkenê cewabê dişmenî bidê û ser bikewê.''