Gerîlayê HPGyî Cîlo Botanî bi wesîleya serrgêra 32ine ya şehadetê Fermandare Bêrîtane (Gulnaze Karataş) ANFyî rê qisey kerd.

Gerîla Cîlo Botanî vat: ''Bi seyan embazê ma Başûr de vera dişmenî şer kenê. No şer şerêko asan nîyo. Bedelê pîlî dîyenê. Ma xêrê mîrasê şehîdanê sey Bêrîtane ra ewro xo ver danê. 32 serrî verî embaze Bêrîtane Xakurkê de vera dişmenî û xayînan tewirêko fedayî mojna. Embaze Bêrîtane seba ke teslîmê dişmenî nêba heta peynî şer kerd.

Nê tewirê aye ra nêbîyêne ewro kurdî nêresayêne na sewîye. 1992 de xayînanê sey Barzanîyan hetê dewleta tirke de vera ma şer kerdêne. Ewro nê xayînî ancî vera gerîlayan de yê. Ma rêçê Bêrîtane ra şinê û têkoşîn kenê. Tewirê embaze Bêrîtane vera îşxalkeran zaf net bi. Cewabê aye yo tewr pîl zî çalakîya ci ya fedayîye bi. Pêro şerwanî ganî tewir û çalakîya Şehîde Bêrîtane hol fam bikerê.''