Koyê Gomanî yê dewa Nêrkola yê Şemzînanî de şewat dewam keno. Şewato ke 3 rojî verî dest pêkerdbi resa dewan.

Şarê herême pare kerd ke ê wazenê şewatî hewna bikerê la leşkerî nêverdenê. Şarî venga her kesî da ke mudaxeleyê şewatî bikerê. Dewijan ard ziwan ke dima ke daristanî ra vengê çekan ame şewatî dest pêkerd.

Wekîlê HDPyî yê Colemêrgî Seîd Dedeyî îfade kerd ke dewijan selahîyetdarî agahdar kerdî la şewatî rê mudaxele nêame kerdene. Dedeyî bale ante ser ke şarê herême zî yeno astengkerdene.

Dedeyî vat: ''Rixmo ke xebere dîyaye îtfaîya şewat nêno hewnakerdene. Coka vila beno. Şewat nika nêzdîyê dewam bîyo û destûr nêdîyeno ke bêro hewnakerdene. Eke şewat nêro hewnakerdene şar binê tehlukeyêkê pîlî de bimano.''

Serekê Yewîya Esnaf û Sanatkaran a Colemêrgî Muharrem Tekînî zî warê şewatî ra pare kerd ke şewat vera gir beno. Tekînî vat: ''Şewat nêzdîyê ca û waranê şarî bîyo. Ganî şewat hewayî ra bêro hewnakerdene. Ganî rayaumûmîye Şemzînan bivisna rojdem.''