Mêrdîn de 11ê hezîrane de pê tesîrê vayî zî herêma Omeryanî de şewatêk dest pêkerd. Şewat dima derbazê taxanê Qesra Ehmedî, Qurdîs yê Artûklu, taxanê Xerabê Bava, Cinata Miho û Cinata Hisoyî yê Nisêbînî bi. Îtfaîya pê bahaneya şert û mercanê erdî ra mudaxeleyê şewatî nêkerdbi. Şewat vizêr hetê şarî ra ame kontrolkerdene.   Vizêr şewat pê tesîrê vayî derbazê Mehsertî bi ke tay dewanê Mehsertî de hema zî şewat dewam keno.

Ame zanayene ke şewat dewa Rişvanê ya Mehsertî de dewam keno. Dîmenanê dewe de yeno dîyene ke şewat de bax û baxçeyê şarî pêro wel bîyî. Rixmo ke şewat gêrîya binê kontrolî rîyê hewayê germî û îmkananê kêman ra şewat hema zî vila beno.