1ê hezîrane de qezaya Pîranî ya Amedî de netîceya operasyonê leşkerî de şewat destpêkerd û hema zî dewam keno. Şewat Koyê Gorse de kêmîya la beşêko koyî bi temamî vêşa.

Goreyê zanayîşan leşkerê tirkî nêverdenê şewat bêro hewnakerdene û îtfaîya rê zî gefan wanenê. Çimeyanê herêmîyan pare kerd ke leşkeran vato: ''Herêma terorîstan a, wa bivêşa.''

Roniştoxan pare kerd ke şewat dormeyê Pîranî de dewam keno û resa qezaya Mîyaran a Xarpêtî. Şewat ver bi taxa qeza şino. Roniştoxanê taxe ard ziwan ke leşkeran qestî ra adir verdayp herême û şewat bombardumanî ra qewimîya.