Gerîlaya YJA-Starî Bêrîtane Dêrsim bi wesîleya serrgêra 48ine ya şehadetê Hakî Karerî ANFyî rê qisey kerd.

Bêrîtane Dêrsim ard ziwan ke Hakî Karerî sey şorişgêrê enternasyonelî şarê kurdî reyde têkoşînêko xurt kerdo û têkoşînê ey tesîrêko pîl viraşto. Bêrîtane vat: ''Embazîya ey a bi Rayberîye zaf xorin bîye. Rayberê ma bi ronayîşê PKKyî cewab da şehadetê ey û bi nê hawayî sîstemê faşîstî û qirkerî ra qesasê embaz Hakîyî girewt.

Şinasnayîşê embaz Hakî Karerî şinasnayîşê PKKyî yo. Famkerdişê embazîya ey a bi Rayberîye famkerdişê PKKyî yo. Dişmenî bi şehîdkerdişê embaz Hakîyî waşt ke verê têkoşînê azadîye bigêro la Rayber Apoyî şehadetê ey ser o Têgêrayîşê Azadîye awan kerd. PKK seba şaranê bindestan ewro têkoşînê xo rê dewam keno û bîyo hêvîya şaran. Vîrameyîşê şehîdanê sey embaz Hakîyî û mîrasê înan ê têkoşînî gandar ê. Mîyanê nê têkoşînî de hêzê ma yo tewr pîl embazî ya.''