5ê temmuze de wexto ke şarê Şingalî vera hêrişanê îşxalî yê dewleta tirke nawnayîşêk kerdêne artêşa Iraqî şarî ser o guleyî varnabî. Îdareyê Xoserî yê Şingalî derheqê mesele de eşkerayîyêke daye.

Eşkerayîye de ame vatene ke heqê artêşa Iraqî çin o ke mudaxeleyê çalakîyanê şarî bikera. Îdareyê Xoserî yê Şingalî da zanayene ke hêriş de endamêkê çapemenîye zî birîndar bi. Îdareyê Xoserî yê Şingalî Serekkomarîya Iraqî û Serekwezîrîya Iraqî ra waşt ke mesuldarê hêrişî wa bêrê dîyene û nînan ra hesab bêro persayene. Eşkerayîye de venga Neteweyanê Yewbîyayeyan û dezgehanê mîyanneteweyîyan ame dayene ke vera hêrişanê winasênan wurzê payan ser.