Hemwelatîyê Şingalî, temsîlkarê dezgeh û rêxistinan, serekeşîr û êzidîyan vera hêrişanê dewleta tirke ya îşxalkere rayîrî ra şîyî û înan hêrişê dewleta tirke ya îşxalkere protesto kerdî.

Rayraşîyayîş de eşkerayîyêke zî ameye dayene. Nameyê Îdareyê Xoserî yê Şingalî ser o Faris Hebdoyî  qisey kerd û vat: ''Dewleta tirke û hemkarê ci nêeşkîyayî armancê xo bîyarê ca. Hêriş de têna 4 şerwanê YBŞyî bi hawayêkê şenikî birîndar bîyî.''

Îdarekara Qezaya Sinûnî Xwedêda Çûkê zî wina qisey kerd: ''Şarê êzidîyan seba ke xo DAÎŞî ra bipawo şibi koyan la na reya diyîne ya ke dewleta tirke hêrişê ma kena. Ma venga Hukmatê Iraqî danê ke hemwelatîyê xo nê hêrişan ra bipawo.''

Dima şar pê slogananê 'Bimiro îxanet' û 'Biciwîyo xoverdayîşê Şingalî' rayîrî ra şi.

Çalakîye qasê 2 saetan dewam kerde.