Endamê Komîteya Azadîya Ocalanî Şoreş Xidirî ANFyî rê tecrîdê vera Rayberê Şarê Kurdî Abdullah Ocalanî ercna.

Xidirî verî qala Komîteya Azadîya Ocalanî kerde û vat: ''Komîteya Azadîya Ocalanî yena manaya wayîrvejîyayîşê merdimêko ke dewaya neteweya kurdan girewta xo milî, wayîrvejîyayîşê merdimêko ke wayîrê îradeyê neteweya demokratîke yo. No şexso ke eşkeno netewe mergî ra bixelisno Birêz Rayber Ocalan o. Komîte bi erkê xo yê exlaqî zanena ke wayîrê Birêz Ocalanî vejîyo, bikero ke Ocalan û tepişteyê sîyasî yê bînî azad bibê.''

Xidirî da zanayene ke azadîya neteweya kurdan girêdayeya azadîya Rayberê Şarê Kurdî Abdullah Ocalanî ya û vat: ''Mefteyê çareserîya meseleya kurdan û şaranê Rojhelatê Mîyanênî destê Ocalanî de yo. Dewletê serdestî û sîstemê sermayedaran semedê bazirganîya çekanê xo şer danê dewamkerdene. Nê tecrîdê Îmraliyî anê ca.''

Şoreş Xidirî peynîya ercnayîşanê xo de ard ziwan ke tecrîdê vera Abdullah Ocalanî yeno manaya bêhêvîkerdişê neteweyêke û wina vat: ''Ganî şarê kurdkî û pêro şarê azadîger û demokratîlî çalakîyanê xo rê dewam bikerê ke Rayber Ocalanî azad bikerê. Çunke wayîrvejîyayîşê Ocalanî wayîrvejîyayîşê merdimîye yo.''