Ewropa de çar parçeyanê Kurdîstanî ra cinîyan ê temsîlkaran ê partîyan, dezgehanê dîn û bawerîye û rêxistinê cinîyan ê xoserî ameyî têhet û çarçewaya yewîya neteweyîye de înîsîyatîfêko newe na ro.

Badê kombîyayîşî ronayîşê Înîsîyatîfê Yewîya Neteweyîye ya Cinîyan ê Kurdan a Ewropa ame îlankerdene.

Eşkerayîye de nê ameyî vatene: '' Ma sey cinîyan  ê çar parçeyanê Kurdîstanî serrgêra şehadetê Leyla Qasimî de ke sembolanê xoverdayîşê cinîyan ê kurdan ra yew a, bi îlhamê tradîsyonê têkoşînê Sarayan, Hevrîne Xelef û Şirin Elemhuli ardî yew ca, tîya de yê.''

Înîsîyatîfî ard ziwan ke bi waştişê  yewîya cinîyan ê kurdan, wayîrvejîyayîşê  tekoşîn, tradîsyon û destkewteyanê cinîyan û semedê pawtişê nê mîrasî bi vengdayîşê 'Yewbîyayîş estbîyayîş o' ame ronayene.

Eşkerayîye de wina ame vatene: ''Ma sey cinîyan ê kurdan ke çar parçeyan ra verê xo dayo Ewropa, Platfromo Neteweyî yê Cinîyan ê Kurdan o ke Başûrê Kurdîstanî de ame ronayene, selam kenê, Konferansê Yewîya Neteweyîye ya Rojawanî pîroz kenê ke şarê ma coşî verwazî kerd.

Ma nika semedê caardişê yewîya neteweyîye û ronayîşê rêxistina demokratîkî ya konfederal merhaleyêka tarîxîye de yê. Na çarçewe de ma veng danê temsîlkaranê rêxistinan, hemrayan ê cinîyan, hunermend, roşnvîr, nuştox û şexsîyetanê cinîyan ke wa binê serbanê Înîsîyatîfê Yewîya Neteweyîye ya Cinîyan ê Kurdan a Ewropa  de bêrê têhet.

Bêrê ma pêro pîya têkoşînî xurtêr bikerê û mîrasê têkoşînî yê sesseran biresnê neslanê bînan. Bêrê ma sey cinîyan ê kurdan rayîrê înşakerdişê Kurdîstanê Azadî de yewîya xo xurtêr bikerê.

Înîsîyatîfê Cinîyan ê Kurdan heme cinîyan ê kurdan ra wa pîroz bo.''