Qalema mi nusena. Ez vindera zî a nêvindena. Bale ancena gerîla, têkoşîn û çêrîye ser.

Ez peynî de şîya o cayo ke tede xoverdayîş esto. Nêmaneno cayêkê bînî. Dormeyê ci de pêro dewî ameyî vengkerdene. Berzîya ci, kerrayê ci çend biheybet ê. Bin û qerajê ci pêro vêşîyayî. Darê ci, heta pêro gilê ci, pelê ci xo ver danê. Xantûr bi her hawayî xo ver dano. Peynî de ez şîya Xantûr.

Gerîlayêka gijikçeqer ma pêşwazî kerdî. Nameyê ci Rosîda ya. Nika verê mi de Gerîla Ezda esta. Ma goş danê Rosîda. 

Çend serrî verê cû dewlete Cizîre de dewa înan vêşanye û ê surgûn kerdî. Keyeyê Rosîda surgûnê şaristanê Uşakî yê Tirkîya benê. Rosîda Uşak de yena dina û bena pîl. Tim pê ziwanê dayîke qisey kenê. Rosîda dibistane de tirkî keye de bi kurdkî qisey kena. Na nakokîye mezgê  ci têmîyan kena. Seke Rayber Apo vano; seba serkewtişî abigêrê cayo ke şima tede vîn bîyî.  Rosîda Cizîre de resena şarê xo û dima destê xo derg kena PKK û verê xo dana koyan. A roje ra nata Heftanîn û Xantûr de ya. Wexto ke ma dest pê xoşebere kerd vat: ''Ma senî eşkenê Xantûrî ra fek vera bidê? Vîrameyîşê ma tîya de yê, erdo ke pê gonîya embazanê ma awe dano tîya de yo. Ameyoxê ma tîya de yo. Hewn û xeyalê ma yê seba ameyoxî tîya de yê.'' Mi pêroyînan de yew bi yew roportaj kerd. Dîmenê înan girewtî. 

Cinîyêka gerîla komêka gerîlayan ê cinîyan rê  vat: ''Şorê û abigêrê.'' Seke aye vat: ''Ez şima rê nêvana şorê bidê dişmenî ro. Ez şima rê vana şorê, bidê sişmenî ro û abigêrê. Seba cuye abigêrê.Seba xoverdayîş, ciwîyayîş abigêrê. Înan ra ke nêzanenê abigêrê mebê. ''

Gelo kamyew hêz eşkeno vera nînan vindero? Û ez pê heybetê şerwananê Xantûrî mest bena...