Dêrsim de zimistanî tesîrêko xirabin serê heywananê kovîyan de kerd. Seba ke Newala Munzurî de hîna varişê vewre dewam keno, Aktîvîstê Xozaye seba heywananê kovîyan werd anê newale de ronanê.

Aktîvîstê Xozaye ke seba pezkovîyan, xozan, luyan û seba kutikan ê ke nêzdîyê merkezê qeza û dewan de yê werd anê, vat, “Ganî kesê ke yenê na newale seba heywananê ma, seba heme heywananê ke xozaye de ciwîyenê çîyêk xo dest de bîyarê. Ganê ma,  rûmetê ma yê pîroz ê. Ma key yenê xo de anîme. Ganî her kes bîyaro. Çîyêko zaf giran û vay nîyo. Werdê ke keye de mendê zî şima eşkenê bîyarê.”

Hemwelatijan seba seydbazanê ke nê demanê peyênan de seba seydî yenê Dêrsim reaksîyon da û vat, “Kam beno wa bibo eke zerar dano xozaye û qetil keno ganî cezaya tewr girane bêra dayene.“