Şirnex û qezayanê ci de û qezaya Bazidî ya Agirî de operasyonê qirkerdişê sîyasîyî de tewr tay 23 kesî ameyî destbendkerdene. Amed de Mîkaîl Yamano ke birayê xo yê tepişteyî rê pere şawit, ame destbendkerdene.
Şirnex, Agirî û Amed de de operasyonê qirkerdişê sîyasîyî ameyî kerdene. Sereştişê keyeyan de bi desan kesî ameyî destbendkerdene.
Qezaya Bazîdî ya Agirî de polîsan eşt keyeyan ser Endamê Meclîsê Partîye yê HDPyî Ahmet Yaşmiş, Temsîlkranê TUHAY-DERî Cemîl Koç û Endamê Şaredarîya Bazîdî Rahîm Gonen zî tede 13 kesî destbend kerdî.
Amede zî polîsan qezaya Rezanî de eşt keyeyê Mîkaîlî Yamanî ser û seba ke Yamanî mabênê serranê 2010 û 2020î de birayê xo Îbrahîm Halîl Yamano ke hemserekê verên ê BDPyî yê Erxanî bi û Zîndanê Bandirma de yo, pere şawit, o destbend kerd.
Merkezê Şirnexî û qezayanê ci yê Cizîre, Hezex û Qilaban de sereştişê keyeyan ameyî kerdene. Seretişan de Îdarekarê HDPyî Egîd Yigit, Fatma Acet, Firat Akyol, Camî Bîlîk, Nîhat Kuçuk, Mahsum Kuramî, Serhat Çatuk, Mustafa Dal, Omer Karavîş û Abdullah Yaman ameyî destbendkerdene.
