Amed de pê fermanê Serdozgerîya Komare ya Amedî operasyonê qirkerdişê sîyasîyî ame kerdene.

Sereştişê keyeyan de endamê Meclîsê HDPyî Eşref Mamedoglu, endamê Meclîsê DBPyî Ramazan Dengîz, endama Komeleya Cinîyan a Rosa Suzane Îşbîlen, îdarekaro verên ê HDPyî Hasan Kale û Serekê Şubeyê Amedî yê DÎSKî Hasan Hayrî Eroglu ameyî destbendkerdene.

Endama Komeleya Cinîyan a Rosa Gulîstane Nazlier zî ke derheqê ci de bira destbendkerdişî esta keye de nêbî.  

5 kesê ke Amed de ameyî destbendkerdene ameyî berdene bi Mudirîya Asayîşî ya Amedî. Yeno vatene ke destbendkerdişî do bizêdîyê.