Tepişteyê sîyasîyî 27ê teşrîna peyêne ra nata vera tecrîdê serê Rayberê Şarê Kurdî Abdullah Ocalanî û binpaykerdişê heqan ê zîndanan grevê vêşanîye de yê.

Roja 83. ya çalakîye de Amed de Komeleya Cigêrayîşê Kultur û Ziwanî yê Mezopotamya (MED-DER) waşt ke bi eşkerayîyêke bale bianco rewşa tepişteyan ser. Çalakîya ke ame waştene ke verê Vîrdarîya Heqanê Merdiman a Parka Koşuyolu de bêro kerdene polîsan destûrê ci nêda. Seba ke polîsan verê şarî girewt destûr nêda bikewê parke çalakwanan binê ablûqaya polîsan de çalakîya roniştişî kerde.

Îdarekarê HDP,MEBYA-DER, TUAY-DERî yê bajarî zî tewrê çalakîye bîyî. Çalakîye de xoverdayîşê zîndanan ame selamkerdene û ame vengdayene ke wa waştişê tepişteyan cade bêrê caardene.