Federasyonê Komeleyanê Huqûq û Paştdayîşî yê Keyeyanê Tepişteyan û Hukmwerdeyan ê Medî (MED TUHAD-FED), Şubeyê Amedî yê Komeleya Huqûqnasan a Seba Azadîye (OHD) û Komeleya Paştdayîşê Keyeyanê Tepişteyan a Amedî (TUAY-DER)  derheqê binpaykerdişanê heqanê merdiman ê Zîndanê Cinîyan ê Amedî de raporêk amade kerd. Dezgehan da zanayene ke înan 14 tepişteyan reyde pêvînayîş kerd.

Raporê dezgehan de nê binpaykerdişî ameyî tesbîtkerdene:

-Werdê tepişteyan hetê proteîn û vîtamînan ra qîm nîyê.

-Vayê berhemanê kantînî zêdêr ê.

-Eylem Onluya ke dergûşa xo reyde tepişîyaye heqaret pê kenê travma ra derbaz bena.

-Aktîvîteyê sosyalî  û heqê tedawî asteng benê. Doktorê zîndanî pê tepişteyan heqaret kenê û ge ge rixmê prosesê janî zî doktorî nênê zîndan.

-Fotografê komkîyî ameyî qedexekerdene.

-Odayanê karantîna de hewcedarîyî nênê peydakerdene.

-Heqê pêvînayîşî yê tepişteyan ê neweyan mengêke yeno astengkerdene.

-Pansumanê Semîre Dîrekçî bi hawayêkê nîzamî nêno kerdene.

Dezgehî seba ke verê nê binpaykerdişan bigêrê do muracatê warê huqûqî bikerê. Dezgehan îfade kerd ke ganî dezgehê neteweyî û mîyanneteweyî bêrê zanayîşdayene.