Paltformê Weşîye yê Amedî da zanayene ke her roje şaristan de testê vîrusê Korona yê 300 kesan pozîtîj vejîyeno û bi temamî şaristan de 600 nêweşî estê. Platformê Weşîye yê Amedî seba tedbîran hîşyar kerd.
Platformê Weşîye yê Amedî Odaya Tabîban a Amedî de derheqê doneyanê neweyan ê vîrusê Korona de kombîyayîşêkê çapemenîye kerd. Sereka Odaya Tabîban a Amedî Elîfe Turan kombîyayîş de qisey kerd û da zanayene ke şaristan de nêweşîye vera zêdîyena.
Platformî kombîyayîş de nê doneyî pare kerdî:
-Şaristan de hûmara testan kêm a, seba ke servîsê ciewnîyayîşê giranî qîm nêkenê nêweşî mirenê.
-Nêweşxaneyanê şaristanî de tewr tay 600 nêweşî estê û înan ra 100 kesî servîsê ciewnîyayîşê giranî de yê. Testê vîrusê Korona yê 296 kedkaranê weşîye pozîtîf vejîyayî. Her roje şaristan de testê vîrusê Korona yê 30 kesan pozîtîf vejîyenê.
Platformî bi hawayêkê xurtî ard ziwan ke tedbîrê ke heta nika ameyî girewtene qîm nêkenê û ganî bi hawayêkê sîstematîkî testî bêrê kerdene, şarî reyde têkilîyêka xurtî bêra ronayene, hûmara testan bêrê zedînayene.
