Amed de KCD, DBP, TJA û HDPyî vera hêrişê nîjadperestî yê Konya yo ke hetê faşsîtanê  îqtîdarê AKP-MHPyî ra ame kerdene,  çalakîya roniştişî kerde.

 Eşkerayîya çapemenîye ya ke verê banê HDPyî yê Baglarî de ameye organîzekerdene hetê polîsan ra ameye astengkerdene. Wekîla HDPyî ya Amedî Remzîye Tosun, îdarekarê merkez û qeza û xeylêk aktîvîstê TJA gama ke banê qeza ra vejîyayî teber hetê polîsan ra ameyî vindarnayene. Bi seyan polîsan pê bi desan wesayîtanê destbendkerdişî û wesayîtanê zirxinan dormeyê banê HDPyî girewt û dekewtiş û vejîyayîşê ci qefilna. Seba ke polîsan destûr nêda eşkerayîye bêro dayene şarî tîya bi saetan çalakîya roniştişî kerde û bi çepik û tîlîlîyan rewşe protesto kerde.