Taxa Ben û Senî ya qezaya Yenîşehîrî ya Amedî de nîqaşêkê di keyeyan vurîya pêrodayîşê bi çekan û 2 kesî merdî.

Semedê qezayêkê motorsîkletî ra mabênê di keyeyan de nîqaş ame kerdene û saetanê fitarî de nîqaş vurîya pêrodayîşê bi çekan. Netîceya pêrodayîşî de Şehmuz A. û İzzettin E. merdî û yewê înan doman 6 kesî zî bi giranî birîndar bîyî.

Merde  û birîndarî wedarîyayî Nêweşxaneyê Dewlete yê Selahaddîn Eyyûbîyî yê Amedî. Pêrodayîşê keyayan tîya de zî dewam kerd û pancerayê nêweşxaneyî şikîyayî. Polîsî sewqê nêweşxaneyî bîyî.