Perrê 'Rayraşîyayîşê Demokrasîyî' yê HDPyî yê Colemêrgî Amed de raştê hêrişê polîsan ame. Polîsan Bismîl de pê gazê îsotî hêrişê heyetê HDPyî ke Hemserekê Pêroyî yê Partîye Mîthat Sancar zî tede yo, kerd.

Hetê bînî ra seba ke şarê Amedî verê banê HDPyî de ame pêser ke heyetê HDPyî vervazî bikero banê partî hetê polîsan ra gerîya binê ablûqa û bi barîqatan vernîya şarî ameye girewtene. Hemwelatijan bi slogana 'ma do bi xoverdayîşî ser bikewê' cewabê polîsan da.