Hemsereka KCD‘yî û parlamentera HDP‘yî Leyla Guvene, seba ke tecrîdê serê Rayberê Şarê Kurdî Abdullah Ocalanî bêro wedaritene 82 rojî yo ke grevê vêşanîye de ya. Seba Leyla Guvene û girewteyanê sîyasîyan, çalakîyê paştdarîye her hetê welat û Ewropa de dewam kenê.

Meclîsê Ciwanîye yê HDP‘yî yê Amedî Pirdê Ofîsî ser o yew pankarte darde kerde û pankarte de resmê Leyla Guvene û sloganê “Tecrîdî parçe bike“ ca girewt. Meclîsê Ciwanîye hesabê xo yê twîtterî de derheqê çalakîye de wina va: “Meclîsê Ciwanan, yew pankarta bi şîarê tecrîdî parçe bike, Pirdê Ofîsî ra darde kerda.“