Çarçewa tedbîranê vera vîrusê Korona de Heyetê Weşîye yê Amedî bire daye ke taxanê tewr sixletîyan ê Gevran û Ekîncîlerî yê Ofîsî de xebitnayîşê maskeyan û têgêrayîşê goreyê mesafeyê komelkîyî bibê mecburî.

Ame parekerdene ke êyê ke goreyê bire tênêgêrîyenê, înan rê cezaya pereyî do bêra dayene.

Hetê bînî ra Nêweşxaneyê Cigêrayîş û Perwerdeyî yê Gazî Yaşargîlî û Nêweşxaneyê Tipî yê Zanîngehê Dîcle yê Amedî de xeylêk kedkarê weşîye yê ke pê vîrusê Korona kewtî. Platformê Weşîye yê Amedî da zanayene ke heta nika testê vîrusî yê 90 kedkaranê weşîye pozîtîf vejîya.